1. Atendendo ao disposto nos arts. 131 e 158-159 da Lei 9/2017, de 8 de novembro, de Contratos do Sector Público, e considerando válida a actuación e proposta da Mesa de Contratación, adxudícase, por medio de procedemento aberto e con varios criterios automáticos de adxudicación a obra de "Mellora de firme en viais de Tiulfe e Lapido" (POS+ 2019), á empresa Canarga, S.L., segundo o detalle que se cita, de acordo coa proposta da Mesa de Contratación:
* Obra: Mellora de firme en viais de Tiulfe e Lapido (POS+ 2019), no prezo de 46.540 euros (IVE incluído, 38.462,81 € de base). Tipo de licitación: 50.097,64 €.
* Prazo de execución: 45 días naturais (redución de prazo ofertada pola adxudicataria; 90 no proxecto).
* Expediente de contratación: 2019/C003/000005.
* Número de obra: 19.2100.0030.0
Tal empresa foi a que resultou proposta no procedemento aberto con varios criterios automáticos de adxudicación, convocado por acordo da Xunta de Goberno Local de 16-5-2019. Partida orzamentaria: 453.1906.61900, do orzamento municipal 2.019.
2. Noméase director técnico das obras citadas a Victorino Corral Rodríguez, arquitecto técnico, técnico municipal e redactor do proxecto técnico.
4. Facultar ao sr. alcalde para a sinatura de calquera documento que sexa necesario para facer efectivo o presente acordo, en especial a sinatura urxente do contrato en documento administrativo.
5. Notificar este acordo ao adxudicatario e ao resto de licitadores, indicando que é definitivo, utilizando para elo o modelo A-9985 dos aprobados polo concello, preferentemente na plataforma PLACSP.