RESOLUCIÓN DE ALCALDÍA
Con data 25 de abril de 2023 apróbase expediente de contratación por Decreto de Alcaldía núm. 2023-0939 mediante procedemento aberto simplificado, para a contratación do subministro do “ALUMEADO ORNAMENTAL E SON CORPUS CHRISTI CONCELLO DE PONTEAREAS 2023”.
Procédese á publicación do anuncio de licitación con data 25 de abril de 2023 na plataforma de contratación do sector público.
A mesa de contratación designada para a licitación reúnese con data 15 de maio de 2023 co obxecto de proceder á apertura do sobre ÚNICO que contén a documentación administrativa e a oferta económica, respectivamente. Procédese a revisión da documentación anterior presentada polas empresas licitadoras. A mesa por unanimidade decide propor como adxudicatario do subministro a empresa SUARNAS SISTEMAS SL con CIF B27843440, e excluír á empresa CREACIONES LUMINOSAS SL con CIF B36351484 por figurar causa de prohibición para contratar inscrita no Rexistro Xeral de Contratistas da Comunidade Autónoma de Galicia, por non estar ao corrente das obrigas coa Seguridade Social.
Con data 22 de maio de 2023 a empresa CREACIONES LUMINOSAS SL presenta no Rexistro Xeral do Concello de Ponteareas escrito de alegación e enmenda aducindo que á data da presentación da súa oferta, isto é o 10 de maio de 2023, non existía débeda algunha coa Seguridade Social e aportando documentación acreditativa, non estando actualizada a información do Rexistro Xeral de Contratistas por un erro.
Con data 26 de maio de 2023 reúnese a mesa de contratación e acorda estimar as alegacións presentadas por CREACIONES LUMINOSAS SL, admitindo a súa proposición na licitación, deixando sen efecto a proposta de clasificación e adxudicación feita na sesión do 15 de maio, fixar unha nova clasificación de ofertas e propoñer a adxudicación ao oferta con mellor puntuación, isto é, a presentada por CREACIONES LUMINOSAS SL con CIF B36351484.
Con data 29 de maio de 2023, requíreselle á empresa CREACIONES LUMINOSAS S.L a través da plataforma de contratación do sector público a documentación necesaria para a adxudicación do contrato.
A empresa CREACIONES LUMINOSAS S.L presenta a través da plataforma de contratación do sector público a documentación anteriormente requirida, con data 30 de maio de 2023.
Examinada a documentación que acompaña, visto o informe de Secretaría, e de conformidade co establecido na Disposición Adicional Segunda da Lei 9/2017 de 8 de novembro, de Contratos do Sector Público, pola que se traspoñen ó ordenamento xurídico español as Directivas do Parlamento Europeo e do Consello 2014/23/UE e 2014/24/UE, de 26 de febreiro de 2014, e por todo o anteriormente exposto e en virtude das atribucións que me confire a lexislación vixente, RESOLVO:
PRIMEIRO. Declarar admitido os seguintes licitadores:
• CREACIONES LUMINOSAS S.L
• SUARNAS SISTEMAS SL
• DISTRIBUCIONES DALISA SL
• GILDO SONIDO SL
SEGUNDO. Clasificar, de acordo cos criterios de adxudicación sinalados no prego, as proposicións admitidas neste procedemento, en orde decrecente.
TERCEIRO. Adxudicar o contrato de orde subministro “ALUMEADO ORNAMENTAL E SON CORPUS CHRISTI CONCELLO DE PONTEAREAS 2023” nas condicións que figuran na súa oferta e as que se detallan nos pregos de cláusulas administrativas particulares e de prescricións técnicas a CREACIONES LUMINOSAS S.L con CIF B36351484 por un importe correspondente a 9.900,00 euros, e un IVE de 2.079,00, o que supón un total de 11.979 euros.
CUARTO. Dispoñer o gasto correspondente de conformidade co establecido no Informe de Intervención de data 31 de maio de 2022.
QUINTO. Publicar anuncio de adxudicación no perfil do contratante no prazo de 15 días.
SEXTO. Notificar a adxudicación aos licitadores que non resultaron adxudicatarios.
SÉTIMO. Notificar a CREACIONES LUMINOSAS S.L adxudicatario do contrato, a presente resolución.
OITAVO. Publicar anuncio de formalización do contrato no Perfil do contratante no prazo non superior a quince días trala perfección do contrato e co contido contemplado no anexo III da Lei 9/2017 de 8 de novembro, de Contratos do Sector Público.
NOVENO. Comunicar ó Rexistro de Contratos do Sector Público os datos básicos do contrato incluíndo a identidade do adxudicatario, o importe de adxudicación, xunto coa desagregación correspondente do Imposto sobre o Valor Engadido.
DÉCIMO. Dar traslado de esta resolución ós departamentos de intervención e tesourería.